Отпечатете уникатни честитки што ќе ги праќате за Божиќ

Праќањето персонализирана честитка за Божиќ е убав гест и многу позабавен отколку одењето во продавница. Лесно може да изработите честитка по ваша желба – сè што ви треба е фотографија што сакате да ја споделите, печатач PIXMA од Canon (на пример, серијата PIXMA TS5350 од Canon) и пакување двострана мат хартија од Canon.

Ако одлучите да користите ваша фотографија, тогаш треба да ја вчитате таа фотографија во апликацијата Easy-PhotoPrint Editor за да ја додадете во шаблон и да ја украсите со текст и графика. Ако сакате да снимите нова слика, зошто не ги опфатите пријателите и членовите од семејството кои носат празнични џемпери? Или, пак, следете го нашиот пример и направете фотосесија со портрети од домашното милениче за Божиќ. Без оглед која опција ќе ја изберете, овие седум едноставни чекори ќе ви помогнат полесно да создадете и отпечатите сопствена и уникатна божиќна честитка.

• Печатач PIXMA од Canon (на пример, серијата PIXMA TS5350 од Canon)
• Двострана мат хартија од Canon
• Празнични фотографии
• Апликација Easy-PhotoPrint Editor

Ако одлучите да снимите сопствена слика, зошто не се обидете да направите празнична заднина? Creative Park нуди шаблони за божиќни украси што може да се преземат – достапни се секакви дизајни, почнувајќи од венци и написи па сè до снегулки и украси со Дедо Мраз. Може да пронајдете и многу празнични идеи во апликацијата Creative Park која е достапна и за iOS и за Android – треба само да ја преземете од App Store или Google Play. За да печатите од апликацијата Creative Park ќе треба да поврзете компатибилен инк-џет печатач PIXMA од Canon – погледнете ја листата на поддржани модели на печатачи*.

Ако одлучите да ги вклучите пријателите и семејството во процесот, тогаш дајте им да облечат џемпери врз кои ќе отпечатите божиќни мотиви во домот. Хартиите од Canon за пренос на слики врз материјали со пеглање се достапни за светли материјали или темни материјали, во зависност од тоа дали ќе го печатите вашиот дизајн врз бела маичка или темен џемпер или блуза. И двете верзии најдобро се употребуваат врз природни материјали како памук. Отпечатете го вашиот дизајн врз хартијата за пренос, отсечете го и испеглајте го врз материјалот – погледнете ги инструкциите за подетални информации.

Штом ја подготвите празничната сцена, може да ја снимите фотографијата. Најдобар квалитет на слика ќе добиете ако го користите вашиот фотоапарат од Canon – идеално би било да го користите EOS 850D од Canon или EOS M50 од Canon – но може да го користите и вашиот телефон, доколку сакате. Може да употребите каква било фотографија.

Апликацијата Easy-PhotoPrint Editor нуди голем избор на шаблони за божиќни честитки. Треба само да ја отворите апликацијата и да изберете „Cards“ (Честитки) на почетниот екран за да ги погледнете достапните дизајни. Ако сакате да го ограничите изборот на шаблони што се специјално дизајнирани за однапред превиткана двострана мат хартија, допрете го копчето „Filter“ (Филтер) во горниот лев агол на екранот, а потоа изберете „Half-fold“ (Превиткани на половина) за опцијата „Card Format“ (Формат на честитка). Прелистајте надолу до честитките означени како „Christmas“ (Божиќ) или „Season’s Greetings“ (Празнични честитки). Кога ќе пронајдете некоја што ви се допаѓа, допрете ја за да ја преземете и изберете ја опцијата 7″x10″ во „Paper Size“ (Големина на хартија).

Апликацијата Easy-PhotoPrint Editor ќе ви овозможи да изберете слика од многу локации за складирање, вклучувајќи ја камерата на вашиот телефон, image.canon, Dropbox, Facebook, Google Drive, Instagram, OneDrive или Google Photos, што значи дека лесно ќе ги пронајдете омилените содржини. Ако за прв пат ја користите апликацијата за да се поврзете со некој систем за складирање на интернет, тогаш ќе треба да ги внесете вашите податоци за најавување. Разгледајте ги вашите слики и изберете една или повеќе слики што сакате да ги употребите, а потоа допрете „Next“ (Следно) за да ги пренесете во распоредот на честитката што сте ја избрале.

Во долниот дел на екранот ќе видите група практични алатки со кои може да додавате други слики или да го промените шаблонот. Исто така, ќе може да додавате печати, како балончиња за говор и ѕвездички или, пак, снегулки или цветови согласно празничната тема. Достапна е и опција за додавање дополнителен текст што ќе ви овозможи да им напишете порака на пријателите и семејството по ваша желба.

Откако ќе завршите со дизајнот на вашата честитка, време е да ставите двострана мат хартија во вашиот печатач. Ќе забележите дека листовите имаат фабрички превиткувања за да можете уредно да ги превиткате вашите честитки. Пакувањето хартија содржи и пликови за вашите конечни дизајни.

Кога ќе бидете подготвени да ја отпечатите вашата креација, допрете „Next“ (Следно) во горниот десен агол на екранот. Ако за прв пат ја користите апликацијата Easy-PhotoPrint Editor со вашиот печатач од серијата PIXMA TS5350 на Canon, тогаш следете ги инструкциите на екранот за да ја поврзете апликацијата со печатачот. Кога апликацијата ќе го пронајде вашиот печатач и ќе се поврзе со него, изберете „Print“ (Печати).

Превиткајте ја честитката внимателно по рабовите, а потоа напишете ја вашата порака на внатрешната страна, ставете ја честитката во еден од испорачаните пликови и пратете ја по пошта. Сега може да се опуштите и да почнете да размислувате за вашиот следен празничен проект.

Напишано од Angela Nicholson